Khangthak Zomi tampi te’n ih Zolai leh Zopau akep cing theih nading in. Zolai tawh nisim in thuthak suak sak ding hi.
Zo Limtui pen Zomi sungah nisim thuthak tuam tuam kizak theih nading in. News kician khat ahih theih nading ki lung gulh mahmah hi. Tuaban ah Zolai tawh akigelh. Zomi te phat tuamna hong pia thei ding thului Articles tuam tuam zong ki kai khawm in kikoih hi.
Zolimtui in Zomi sungah sim leh mal khua leh tui beh leh phung pau leh ham awkaih deidan neilo hi. Tua banah Biakna (Religion) leh Gamvai (Politics) te ahzong guptuam, paih tuam kineilo hi.
Tuaban ah Zomi te biakna, upna Denomination tuam tuam ahi RC, Tuiphum, AG, SDA, EBC, Laipian, etc. Cihte laigelh sungpan Zomi te ading phat tuam na aom nakleh ki suaksak hi. Gamvai Politics thuzong ahunzui leh thu thang om bang bang in ki suak sak theizel a, ahih hang. Politics lamah koimah ki pawlna tawh kisawh khalo hi.
Gamvai, Minamvai. Biaknavai cihte banah leitung sum zonzia, ki makaih zia cihte akipan Technology lamdong in aomthei bang bang ki suaksak zelhi. Laisim zomi te kikal ah media ihcih mahbang in kai ngawi sep theih ding ki lung gulh masapen hi. Nakhempeuh alai hawl alailak ah mo derate takin ki suaksak, ki pu lakkhia hi.
Mikim leh zomi ki pawlna khem peuh tawh ki uitui takin sepkhop. Bawl khop theih nading zong lung gulh na lianpi kinei hi. Zo Limtui pen mimal leh ki pawl na khat peuh tungah ki ngalo a. Summ leh paai lamah zong kuamah ki kon lawh lo hi.
Zolai ngiat tawh thului leh thuthak tuam tuam te. Zo Limtui ah ahunhun in koih zawh nading ki han ciam mahmah hi. Manglai leh kawllai pan in zolai ah let theih bang bang kilet khia hi. Siamman leh telman hilozaw in ukna leh veina banah zomi sungah kisapna aomman in aki semkhia hizaw hi. Khialhna leh ki cin loh na tampi tak omding hi.
Mundang website tuam tuam panin zong aki lasawn tampi om khading hi. Direct in aki lasawn peuhmah aneite leh laigelh te zahtak na tawh source ci-in atawpna ah kigelh hamtang dinghi. Akigelh khalo aom lehzong hehpih na tawh ong zasak kik un. Hihpen Zomi sungah copy right Infringement tawh buaina aom liannai loh hangin. Media lam khat le khat zahtak ki piakna, Credit kipiak na hi. Source gelhdet ding Zo Limtui in thupi kisa mahmah hi.
Zo Limtui ah suah sakding in Articles. News theih huai tuam tuam hong puak hong gelhsak khem peuh tungah zong lungdam na lianpi kong pulak uhhi. Zo Limtui i sepleh bawlna tawh kisai kisapna. Hawm thawhna, kuppih nop cihte aomleh email ah nong kuppih nading un kong zawn uhhi.
2019 Zomi Khawmpi a akikip sak Zogam Zomi flag Zo Limtui in kizang hi.
Zo Limtui in:
Facebook: https://www.facebook.com/zolimtuimedia21
Youtube channel: https://www.youtube.com/@zolimtui
Website: www.zolimtui.com